Kush mbjell grurë, merr 30 mijë lekë për hektar!

Qeveria ka vendosur të rrisë fondet në mbështetje të fermerëve, duke adresuar një buxhet shtesë prej 1.2 miliard lekë për Skemën Kombëtare të vitit 2022.

Lufta midis Ukrainës dhe Rusisë, tregoi varësinë e Shqipërisë ndaj grurit të importit. Për të shtuar sipërfaqen e të mbjellave në sezonin e ri, Ministria e Bujqësisë ka vendosur të subvencionojë të gjitha ata fermerë që kultivojnë grurë.

“Risia për këtë shtesë buxheti ka fokus dhe prioritet mbjelljen e grurit. Mbjellja e grurit subvencionohet me 30 mijë lekë/ha për fermerët që do aplikojnë”, thotë Eranda Selmanaj, drejtoreshë ne AZHBR.

Për të përfituar nga kjo mbështetje bujku duhet të garantojnë faturat e TVSH të farës së grurit dhe të imputeve bujqësor. Përvec sektorit të dritherave, qëveria ka vendosur të mbështesë edhe sektorin e peshkimit, ku 203 anije peshkimi do të marin naftën më çmim më të lirë se ai i tregut, citon TCh.

“Gjithashtu për herë të parë kemi dhe mbështejne me naftë për peshkatarët, ku do financohet 40 lekë/litër si pagëse shtesë për të ulur kostot”, shpjegon Selmanaj.

Ndërkohë për fermerët që mbarështojnë gjë të gjallë dhe nuk janë shpallur fitues në thirrjen e parë të Skemës Kombëtare, ka një mundesi të dytë që ata të përfitojnë para nga qeveria.

“Nga buxheti tashmë i alokuar 3.7 miliard me prioritet janë edhe sektorët e bletarisë dhe blegtorisë, pasi kemi pas shumë kërkesë në aplikime do të rialokohet një buxhet që do meret nga masat e tjera për keto sektorët dhe do të rritet financimi, pra blegtorët dhe bletarët do të njoftohen për ato që do të jenë pjesë e vijës së financimit”, thotë Selmanaj.