Sarandë- Një vend parkimi është bërë shkak për një konflikt që përshkallëzoi në tragjedi në Sarandë. Mësohet se Klodian Bakiaj, i cili mbeti i vdekur pasi mori dy goditje me thikë në kraharor, kishte parkuar para restorantit ku punonte 24 vjeçari nga Laçi, Xhanelo Tarja.
24-vjeçari punonte si kamarier në restorant dhe nisi të debatonte me viktimën për lirimin e vendit të parkimit. Pas konfliktit ai e goditi dy herë me thikë.
Vrasja ka ndodhur pranë ambienteve të bar-restorant-hotelit në lagjen nr.1 të qytetit bregdetar.
Kujtojmë se 41 vjeçari nga Tepelena Klodian Bakiaj u transportua në spital, por nuk mundi t’u mbijetonte plagëve të marra.