Sudan- E pranoi tradhëtinë bashkëshortore, por krahas saj edhe vdekjen mjaft të mundimshme.
Në fakt ishte gruaja e parë pas 10 vitesh që është dënuar me vdekje me gurë pasi rrëfeu se kishte tradhtuar burrin e saj. Maryam Alsyed Tiyrab nga Sudani, u mor në pyetje dhe u arrestua nga policia muajin e kaluar pasi dyshohet se kishte rrëfyer tradhtinë bashkëshortore.
Ajo u shpall fajtore për shkelje të ligjeve të tradhtisë bashkëshortore të Sudanit dhe u dënua me vdekje me gurë. Tradhtia bashkëshortore e gruas në Sudan konsiderohet e gabuar në baza sociale, fetare, morale dhe ligjore. Sipas ligjit islamik, ata që shpallen fajtorë mund të përballen me dënimin duke përfshirë heqjen e gjymtyrëve, fshikullimin dhe më rrallë vdekjen.
Hetimet për gruan filluan pasi ajo u nda nga burri dhe u kthye në shtëpinë e saj. Dënimi i fundit me gurë në Sudan u dha në vitin 2013 kur një grua u arrestua për tradhti bashkëshortore. Vendimi u rrëzua më vonë nga Gjykata e Lartë, siç ndodhin në shumicën e rasteve të vdekjes me gurë. Dënimi ka marrë reagime pasi aktivistët shqetësohen se vendimi është një shenjë se grushti ushtarak i vendit në tetor po çon në një kthim prapa në të drejtat e pakta të grave të bëra nën qeverinë e mëparshme.
