Qeveria e Greqisë tha se ka përfunduar planet për të zgjatur një mur përgjatë kufirit të saj verilindor me Turqinë, pas shqetësimeve se emigrantët mund të përpiqen të bëjnë kalime masive në këtë shtet të Bashkimit Evropian.
Zëdhënësi i qeverisë greke, Stelios Petsas tha të hënën se 26 kilometra mur do të shtohen në një seksion ekzistues prej 10 kilometrash me një projekt prej 63 milionë euroshqë do të përfundojë deri në fund të prillit.
Një bllokim ndodhi në kufi në fillim të këtij viti pasi Turqia tha se nuk do të parandalonte më refugjatët që synojnë të arrijnë në BE dhe dhjetëra mijëra vetë u përpoqën të kalonin në Greqi.
Të dy vendet janë gjithashtu në kundërshtim me të drejtat e energjisë në Mesdheun lindor në një mosmarrëveshje që ka shkaktuar tension të rrezikshëm ushtarak në rajon dhe frikën e konfliktit.
