![](https://kristal-tv.com/wp-content/uploads/2022/08/xalo-bebe.jpg.pagespeed.ic.u01uXKZ2Ts.jpg)
Pas dy vitesh pandemi, infektivi pritet të mbyllë ciklin e spitalit Covid. Së shpejti, spitali që përballoi ngarkesën më të madhe të trajtimit të rasteve me coronavirus, do të boshatiset për t’iu nënshtruar rikonstruksionit.
Heqja e pajisjeve ka filluar, por mbyllja e plotë varet nga ecuria e pacientëve që ndodhen ende në këtë shërbim.
Mjekja Entela Ramosaço tregon se pas mbylljes së infektivit, pacientët më coronavirus do të marrin trajtim në spitalin Covid-3. Në këtë periudhë, me zbehjen e valës “Omicron” janë ulur shtrimet dhe humbjet e jetës. Por mjekët thonë se ende ka raste të rënda te personat që kanë neglizhuar shenjat e sëmundjes dhe vaksinën.
Edhe pse vala Omicron po shkon drejt fundit, mjekët thonë se coronavirusi do të jetë ende në qarkullim. Ndaj rekomandojnë vaksinimin me dozën e tretë veçanërisht për të sëmurët kronikë dhe kategoritë e tjera të riskut, raporton A2 CNN.
![](https://kristal-tv.com/wp-content/uploads/2021/02/xvirtual-book-750x375.jpg.pagespeed.ic.Hz9TRU0ogV.jpg)