Shtresa e akullit që mbulon Grenlandën po shkrin me shpejtësi në pjesën e poshtme të saj, dhe po lëshon shumë më tepër ujë e akull në oqean nga sa ishte kuptuar deri tani, tregon një studim i r ii cituar nga CNN, sipas të cilit kjo situatë mund të ketë pasoja serioze për rritjen e nivelit global të deteve.
Një shkallë e “pashembullt” shkrijeje është vënë re në fundin e shtresës akullnajore, theksohet në hulumtimin e botuar në Proceedings of the National Academy of Sciences.
Teksa uji i shkrirë nga sipërfaqja e akullnajës bie, energjia e tij gravitacionale shndërrohet në energji kinetike, e cila në fund ngroh ujin që grumbullohet në bazën e shtresës së akullit.
Studimi zbuloi se në këtë process, shtresa e akullit të Groenlandës prodhon më shumë energji sesa 10 digat më të mëdha hidroelektrike të botës të marra së bashku.
Akulli i Groenlandës po shkrin shumë shpejt, gjendemi përballë një humbjeje tejet të madhe nga shkrirja e tij.
Mund të them se shkalla e saj po arrin tek pesë apo gjashtë centimetra në ditë”, tha Poul Christoffersen, i Universitetit të Canmridge.
Ai shprehet se krahasuar me Antarktidën, situata këtu paraqitet edhe më problematike pasi akulli deformohet me shpejtësi mjaft më të madhe.
