![](https://kristal-tv.com/wp-content/uploads/2022/08/xalo-bebe.jpg.pagespeed.ic.u01uXKZ2Ts.jpg)
Policia Vendore në Durrës, deklaroi arrestimin e dy drejtuesh mjetesh, pasi akuzohen për shkelje të rregullave të qarkullimit rrugor.
Informacioni zyrtar i Policisë Durrës
Specialistët e Qarkullimit Rrugor në Drejtorinë Vendore të Policisë Durrës , arrestuan në flagrancë shtetasit: A.B.,60 vjeç, banues në Durrës. Ky shtetas në lagjen nr.3, Durrës, duke drejtuar mjetin tip “Benz”, në gjëndje të dehur, është përplasur me mjetin tip “Pezho”, nga e cila ka vetëm dëme materiale.
T.B.,19 vjeç, banues në Durrës, pasi më datë 02.06.2020, në aksin rrugor Plepa-Shkozet, duke drejtuar mjetin është përplasur me tre mjete të tjera dhe për pasojë janë lënduar drejtuesit e mjeteve dhe dy pasagjerë të cilët po marrin ndihmë mjeksore në spital jashtë rrezikut për jetën.
Materialet i kaluan Prokurorisë së Rrethit Gjyqësor Durrës, për veprat penale “Drejtimi mjeti në mënyrë të pa rregullt” dhe ” Shkelja e rregullave të qarkullimit rrugor”.
![](https://kristal-tv.com/wp-content/uploads/2021/02/xvirtual-book-750x375.jpg.pagespeed.ic.Hz9TRU0ogV.jpg)